O II Congreso XoveTIC, organizado polo Centro de Investigación en TIC da Universidade da Coruña (CITIC), está destinado a mozos investigadores (predoutorais e posdoutorais) das tres universidades galegas  que presentarán comunicacións orais ou pósteres das súas investigacións no ámbito das Tecnoloxías da Información e as Comunicacións (TIC). O obxectivo é construír un espazo de encontro para o debate científico e contribuír así á súa formación.

Como novidade nesta edición, o Congreso XoveTIC estará integrado na 27ª Conferencia Europea de Procesamento de Sinais, EUSIPCO 2019, que contará con relatores de relevancia internacional e no que daranse cita investigadores líderes e personalidades moi relevantes da industrial a nivel mundial.

O congreso, de inscrición gratuíta, suporá unha oportunidade ideal para que os participantes compartan as súas investigacións nun ambiente colaborativo e distendido.

As contribucións ao congreso poderán ser orixinais ou traballos adaptados xa presentados noutros foros. Aqueles traballos aceptados serán publicados nun libro de actas.

Podes acceder á información da edición anterior na seguinte ligazón.

Queres consultar o programa?